LAJMI I TRISHTË/ Ndahet nga jeta aktori i njohur i Teatrit Kombëtar

E HËNË 4 JANAR 2021

Lajm i trishtë për artin. Është ndarë sot nga jeta aktori i njohur i Teatrit Kombëtar, Xhemil Tagani.

Xhemil Tagani u lind në Tiranë, më 6 shkurt 1945. Mbaroi Institutin e Lartë të Arteve, dega e dramës.

Me 1968 filloi punë si aktor ne Teatrin Popullor (sot Teatri Kombëtar) derisa doli në pension. Luajti mjaft role të dyta dhe episodike. U shqua për krijimin e karaktereve.

Xhemil Tagani.

Ka interpretuar mbi 70 role në teatër, kryesisht nga dramaturgjia kombëtare.
Pas vitit 1992, ku si më të arrirët përmenden : Agroni te “Shokët”, Alqi te “Studentja e vitit të fundit”, Tushka te “Një nuse për Stasin”, Uçi te “I pazvëndësueshmi”, Selimi te “Bashkë me Agimin”, Ina te “Arturo Ui”, Peç Mbloçi te “Lumi i vdekur”, Reizi te “Duke u gëdhirë viti 1945”, Samiu te “Kështu të dua”, Thomai te “Nën dritat e skenës”, te “Kryqi i bardhë”, etj.

Xhemil Tagani.

Ai u shkëput nga Teatri, duke e mbyllur karrierën e tij mbi tre dekada në skenën e Teatrit Popullor.

Gazeta Shqip